TOPA ZEISU ONGSIH KHITCIANG PASIAN THUKHAM 10 BEI TUAN LO HI.

THE TEN COMMANDMENTS

 1) THOU SHALT HAVE NO OTHER GODS BEFORE ME.
2) THOU SHALT NOT MAKE UNTO THEE ANY GRAVEN IMAGE.
3) THOU SHALT NOT TAKE THE NAME OF THE LORD THY GOD IN VAIN.
4) REMEMBER THE SABBATH DAY TO KEEP IT HOLY.
5) HONOR THY FATHER AND THY MOTHER.
6) THOU SHALT NOT KILL.
7) THOU SHALT NOT COMMIT ADULTERY.
8) THOU SHALT NOT STEAL.
9) THOU SHALT NOT BEAR FALSE WITNESS AGAINST THY NEIGHBOR.
10) THOU SHALT NOT COVET.

Pasian Thukham 10 tomlak na
1.Keimah longal Pasian dang neikei in.    
2.Milim bawlin biakei in.                      
3.Pasian min zangkhai ngaihsut kei in.
4.Sabbath ni asiangtho aa zatding phawk in.
5.Na nuu na paa zahtak in.
6.That kei in.
7.Nu leh pa mawhna bawlkei in.
8.Gukei in
9.Aman lo tici pangkei in.
10. Naveng te na deihgawh kei in.
   Hih Pasian thukham 10 teng enlengh, Topa zeisu ongsih khit teh avek aa beipah loin kip semsem zawhi.

    Pasian Thukham beiloh na onglak thuciamthak sungpan tawm en lengh~ 

"(Matthai Alian 15 9 Mihingte' bawltawm thukhamte, Pasian' thukham zahin mite tungah hilh uh ahih manin kei hong biak hangun a kiman'na omlo hi,' ci hi," ci-in a dawng hi.)"  Hih laisingtho ihsim cing mihing bawltawm thukham leh Pasian Thukham kibang lohi cihpen ong kilang mahmah hi. Pasian in suangpeek tung aa agelh thukham 10 leh Moses in laibu sung aa agelh thukham laibu atuam ahihi. Pasian thukham 10 pen thukham singkuang sung ah kikoih aa thukham laibu ahihleh thukham singkuang gei ah kikoih hi. Pasian Thukham  1-4 cing pen Pasian leh mihing kikal thuhi aa 5-10 ciangpen mihing leh mihing kikal aa zat ding thu khennih in Pasian in ongkhen sak hi. Topa zeisu in agenna ah Pasian itding leh vengte itding cih khenpi nih asuah naleh thukham bulpi ahih na hih bangh in gen hi. Matthai 22:37 ³⁷Jesuh in, “Na Topa Pasian na lungsim khempeuh, na nuntakna khempeuh, leh na pilna khempeuh tawh na it ding hi, cihna ahi hi. * ³⁸Hih pen a masapen, a lianpen thukham ahi hi. ³⁹A nihna pen a masa mah tawh kibang a, nangma pumpi na it bangin na vengte na it in, cihna ahi hi. * ⁴⁰Hih thukham nihte tung panin thukham dang khempeuh leh kamsangte' thuhilhna khempeuh a hong mengkhia ahi hi,” ci-in a dawng hi. * leitung mihing kumpi thukhun lak ah 5-6 ciang paloh phamawh thu ahihi.Thukham 1-4 ciang pen khristian khat hih nakleh zatloh phamawh thu ahihi.

      Thukham zuih zawhna tawh Vantung gamki tungding hilo aa Topa zeisu upman muan manin upna leh gamtat na tonkhawm ahihi upnabek tawh gupna kingah ding hilo aa  gamtat nabek tawh zong gupna kingah ding hituan lohi. James in agen na ah JAMES 2:20 ²⁰Lawmte aw, gamtatna in a zuilo upna pen a hawmpi ahihna thu ka hong lak ding hi.  ²⁴Tua ahih manin, mi khatpeuh in a upna bek tawh hiloin, a sepna tawh a kizuih ciangin Pasian tawh kipawl theihna ngah pan ahihna thu na thei uh hi.  ci in James genna kimu thei hi. 
    ("Matthai Alian 5 18Hoihtakin na phawk ding uh thu panin: Van leh lei a bei mateng, hih thukhamte a neupen khat nangawn' deihna tangtung lopi-in mawkmailo ding hi." )
     "(Luka Alian 16 16"Tuiphumpa Johan' hun ciangdong Moses Thukham leh kamsangte' thugente pen zuih belin kinei a, ahi zongin Pasian' Ukna hangin Lungdamna Thu a kihilh huna kipanin hih thu-ah mi khempeuh hong kituhteh uh hi."

"17Ahi zongin Thukham a neupen themno khat nangawn a maiman' ding sangin van leh lei a man'than' ding olzaw lai hi." ) 

       "(Johan Alian 14 15Tua ciangin Jesuh in, "Kei na hong it uh leh ka thupiakte zong na zui ding uh hi." "21Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,"  a ci hi.) Topa zeisu ih it leh thupiak te zuih ding ahihi.
      "(Johan Alian 15 10Ka Pa' hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi." ) 
    "(Johan Alian 15  14Ka hong thupiak bangin na gamtat uh leh ka lawmte na hi uh hi.") 

    ("Sawltak Tangthu Alian 7  53Note in vantung mi tung tawnin Pasian' hong piak thukham ngah napi-in na mang nuam kei uh hi," a ci hi." ) 

         Paul laikha

    ("Rom Alian 7   7Tua ahih leh Thukham mahmah pen a siahuai ahi hiam? A sia hilo hi. Mawhna bang hiam cih Thukham in hong theitel sak hi. Thukham in, "Hazatna lungsim nei kei in," ci-in genlo hi leh, haza i cih bang ahi hiam, ci-in ka thei kei ding hi.8Thukham a omna hangin mawhna in nuamtak sa-in hazatna a tuamtuam ka neihtheihna ding hong piangsak hi. Thukham om kei leh mawhna in bangmah sem theilo hi.9Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.10Nuntak ngahna dingin a kibawl thukham pen keima-a' dingin sihna hong hi zawsop hi.11Bang hang hiam cih leh thukham a om manin mawhna in nuamtaksa a, kei hong khemin tua thukham tawh a hong that hi.12Tua ahih ciangin Thukham mahmah hita leh thupiaknate hita leh hoihin man a, siangtho hi.)" 

     ("HebruAlian 8 10Ahi zongin tu-in Israel mite tawh ka bawldingthuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute' Pasian ka hi ding a, amaute pen keima mi ahi ding uh hi." ) Hebru 10:¹⁶“Topa in hih bangin ci hi:

• Mailam hunah amaute tawh
• thuciamna khat ka bawl ding a,
• amaute sungah ka thukhamte guan'in,
• amaute lungtang tungah
• ka gelh ding hi,”
  a cih khit ciangin, *

   Johan masa 2: ⁴Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutaklo mi ahi hi. ⁵Ahi zongin ama thu a zui mite pen Pasian a itna a kicingtaak taktak mi ahi hi. Hihbangin i gamtat leh Pasian tawh a kipawl taktak ihihna i thei hi. ⁶Pasian tawh ka kipawl hi, a ci mi khempeuh, Jesuh Khrih a gamtat bangin a gamtat ding ahi hi. 

     "(Johan Masa Alian 3 4Mawhna i cih pen thukham palsatna ahih manin a mawh mi khempeuh thukham palsat ahi uh hi.)" 

    "(Johan Masa Alian 3 24Pasian' thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak Kha Siangtho hangin Pasian in eite a hong ompihna thu i thei hi.)" 
    "(Johan MasaAlian 5 2Pasian itin ama thupiakte i zuihna tawh Pasian tate a it ihihlam i kithei ding hi.3Pasian i it ciangin ama thupiakte a zui ihi hi. Eite-a' dingin ama thupiakte zuihding a haksa lua hilo hi.")  

Johan Nihna 1: ⁶Itna thu ka hong gen ciangin Pasian' thupiakte zuiding cihna ahi hi. A kipat cila kipan na zaksa uh ahi hih thupiakna pen na khan' tawntungun zui-in itna na nei ta un.

    Hih tepen thuciam thak sungpan Pasian thukham tawh kisai kaihtuah na hi aa. Sabbath tawh kisai ahihleh muntampi ah kigelh hi ahizongh in Pasian thukham agen nakleh sabbath zongh om ahih man in ki then theilo hi. 

     Laisiangtho pen ei upna dan in deihkaih lozaw in Laisiangtho dan aa ih up zawkding ahihi. Topa khasiangtho in hongtelsiam sak ta hen.     
                          By-♣Sian Suum♣